टोकियोमा फिल्मी शैलीको लुट! २० करोड येनका ४ घडी केही सेकेन्डमै चोरी
राम्रो पोष्ट
१० भदौ २०८३, बुधवार
राम्रो पोष्ट
१० भदौ २०८३, बुधवार
टोकियो — जापानको टोकियोस्थित चर्चित नाकानो ब्रडवे कम्प्लेक्समा फिल्मी शैलीमा महँगा घडी चोरी भएको घटना सार्वजनिक भएको छ।
प्रहरीका अनुसार मंगलबार दिउँसो दुई जना नकाबधारी पुरुषले घडी पसलको डिस्प्लेमा हथौडाले प्रहार गरी सिसा फुटाए। त्यसपछि करिब २० करोड येन मूल्य पर्ने चार वटा महँगा घडी लिएर उनीहरू केही सेकेन्डमै फरार भएका हुन्।
चोरीपछि एक जना विद्युतीय स्कुटरमा र अर्का व्यक्ति दौडिँदै घटनास्थलबाट भागेका थिए। दुवै जना अझै फरार रहेको प्रहरीले जनाएको छ।
घटना हुँदा पसलभित्र पाँच जना कर्मचारी थिए। तर उनीहरूमध्ये कसैलाई पनि चोटपटक लागेको छैन।
घटना नाकानो ब्रडवेमा मानिसहरूको बाक्लो भीड रहेको समयमा भएको थियो। घटनास्थल नजिकै रहेकी एक महिलाले सिसा फुटेको ठूलो आवाज सुनेको र एक जना व्यक्ति स्कुटरमा तीव्र गतिमा भागेको देखेको बताएकी छन्।
नाकानो ब्रडवे टोकियोको चर्चित उपसंस्कृति केन्द्र हो, जहाँ एनिमे, मंगा तथा महँगा कलेक्टेबल सामग्रीका पसलहरूका कारण ठूलो संख्यामा मानिस पुग्ने गर्छन्।
प्रहरीले सीसीटीभी फुटेजलगायतका प्रमाणका आधारमा फरार दुई जनाको खोजी तीव्र पारेको छ।
-64.jpg)
