सिटै छैन, यात्रु पनि छैन! जापानमा गुड्दैछ रहस्यमय ‘नो–सिट’ शिन्कान्सेन
राम्रो पोष्ट
३ फागुन २०८२, आइतवार
राम्रो पोष्ट
३ फागुन २०८२, आइतवार
टोकियो। जापानमा यस्तो बुलेट ट्रेन सार्वजनिक भएको छ, जसमा न सिट छ, न यात्रु। East Japan Railway Company (JR East) ले पहिलोपटक पूर्ण रूपमा मालवाहक शिन्कान्सेन सञ्चालनमा ल्याउँदै देशको यातायात क्षेत्रमा नयाँ तरंग ल्याएको हो।
यो सात डब्बे शिन्कान्सेन पहिले यात्रु बोक्थ्यो। अहिले भने सबै सिट हटाएर नचिप्लिने विशेष भुइँ राखिएको छ, जहाँ माछा, तरकारीजस्ता ताजा खाद्य पदार्थ र संवेदनशील इलेक्ट्रोनिक उपकरण ढुवानी गरिनेछ। यात्रु नभएकाले झ्यालहरू पनि ढाकिएका छन्, बाहिरको दृश्य होइन—अब प्राथमिकता छ छिटो र सुरक्षित डेलिभरी।
जापानमा ट्रक चालकको अभाव बढ्दै गएपछि रेलमार्गबाट उच्चगतिको ढुवानी विकल्प खोजिएको हो। स्वचालित कार्ट प्रयोग गरी कम जनशक्तिमा ठूलो परिमाणमा सामान ओसारिनेछ। यो सेवा Hakobyun Shinkansen को विस्तार हो।
फेब्रुअरी ६ मा सार्वजनिक गरिएको यो ‘नो–सिट’ शिन्कान्सेन मार्च २३ देखि मोरिओकाबाट टोकियोसम्म दैनिक सञ्चालनमा आउनेछ। यात्रुविहीन तर अत्यावश्यक—जापानको रेल इतिहासमा यो नयाँ अध्याय सावित हुने अपेक्षा गरिएको छ।
