एलडिपिको ऐतिहासिक जित, साने ताकाइचीको नेतृत्वमा दुई–तिहाइ बहुमत

टोकियो — जापानको सत्तारुढ दलLiberal Democratic Party  (एलडिपि) ले आइतबार सम्पन्न प्रतिनिधिसभा (तल्लो सदन) चुनावमा ऐतिहासिक जित हात पारेको छ। प्रारम्भिक तथा अन्तिम मतगणनाका आधारमा एलडिपिले दुई–तिहाइभन्दा बढी सिट जित्दै स्पष्ट सुपरबहुमत हासिल गरेको जापानी सञ्चारमाध्यमहरूले जनाएका छन्।
प्रधानमन्त्री साने ताकाइचीलको  नेतृत्वमा एलडिपिले ४६५ सदस्यीय तल्लो सदनमा ३१६ सिट जितेको छ, जुन पूर्ण बहुमतका लागि आवश्यक २६१ सिटभन्दा निकै बढी हो। 
यो नतिजा सन् १९५५ मा पार्टी स्थापना भएयता सबैभन्दा ठूलो जित मानिएको छ। यसले सन् १९८६ मा तत्कालीन प्रधानमन्त्री यासुहिरो नाकासोनेको पालामा बनेको ३०० सिटको कीर्तिमानसमेत तोडेको छ।
विजयपछि सार्वजनिक टेलिभिजन एनएचकेसँगको अन्तर्वार्तामा प्रधानमन्त्री ताकाइचीले जापानलाई “बलियो र समृद्ध राष्ट्र” बनाउने आफ्नो लक्ष्यमा अब अझ मजबुत रूपमा अघि बढ्ने बताइन्। उनले आर्थिक सुधार, राष्ट्रिय सुरक्षा र अन्तर्राष्ट्रिय कूटनीतिलाई प्राथमिकतामा राख्ने संकेत गरिन्।
यद्यपि माथिल्लो सदनमा एलडिपिको एकल बहुमत नरहे पनि, तल्लो सदनमा प्राप्त यो प्रचण्ड जितले सरकारलाई नीति निर्माण र कानुनी प्रक्रियामा ठूलो सहजता दिने विश्लेषकहरूको भनाइ छ। चीनसँग बढ्दो क्षेत्रीय तनाव र अमेरिका–जापान सम्बन्धलाई सुदृढ बनाउने सन्दर्भमा यो नतिजालाई निकै महत्वपूर्ण रूपमा हेरिएको छ।
जापानको राजनीतिमा एलडिपिको यो जितलाई ऐतिहासिक मोड का रूपमा लिइएको छ, जसले आगामी वर्षहरूमा देशको राजनीतिक दिशा निर्धारण गर्ने अपेक्षा गरिएको छ।