-77.png)
-84.png)
-45.jpg)
-88.png)
युक्रेनले रुसमाथि १ हजारभन्दा बढी ड्रोन प्रहार, मस्कोमा अहिलेसम्मकै ठूलो ड्रोन आक्रमण
राम्रो पोष्ट
५ असोज २०८३, सोमवार
-93.jpg)
राम्रो पोष्ट
५ असोज २०८३, सोमवार
मस्को — युक्रेनी सेनाले रातभर रुसमाथि १ हजारभन्दा बढी ड्रोन प्रहार गरेको रुसी अधिकारीहरूले बताएका छन्। तीमध्ये सयौँ ड्रोन मस्कोतर्फ लक्षित थिए।
मस्कोका मेयर सर्गेई सोब्यानिनले यसलाई राजधानीमाथि भएको ‘अहिलेसम्मकै ठूलो ड्रोन आक्रमण’ भनेका छन्। आक्रमणका क्रममा मस्को तेल प्रशोधन केन्द्र र एउटा आवासीय भवनमा क्षति पुगेको बताइएको छ।
मस्को क्षेत्रका गभर्नर आन्द्रे भोरोब्योभका अनुसार आक्रमणमा २ जनाको मृत्यु र २० जना घाइते भएका छन्। मृत्यु हुनेमा ७४ वर्षीय पुरुष र ४४ वर्षीया महिला रहेका छन्।
रुसको रक्षा मन्त्रालयले रुस, क्रिमिया र ब्ल्याक सी क्षेत्रमा गरी १,११० युक्रेनी ड्रोन खसालेको दाबी गरेको छ। मस्कोका मेयरका अनुसार राजधानीतर्फ आएका ४५० ड्रोन नष्ट गरिएको थियो।
युक्रेनी राष्ट्रपति भोलोदिमिर जेलेन्स्कीले आक्रमणमा विभिन्न ड्रोन तथा क्षेप्यास्त्र प्रयोग गरिएको र तेल तथा सैन्य आपूर्ति केन्द्रलाई लक्षित गरिएको बताएका छन्।
यो आक्रमण रुसमा संसदीय निर्वाचनको अन्तिम दिन भएको हो। मस्कोका मेयरले आक्रमण निर्वाचनमा अवरोध पुर्याउने प्रयास भएको दाबी गरेका छन्।
-93.jpg)
-70.png)
