श्रीमानसंग सम्बन्धविक्षेद नगरे पनि अभिनेत्री निशा अधिकारीले एक भाग अंश पाउने
राम्रो पोष्ट
१४ फागुन २०८०, सोमवार
राम्रो पोष्ट
१४ फागुन २०८०, सोमवार
काठमाडौं । श्रीमानसंग सम्बन्धविक्षेद नगरी अंश मात्रै माग गरेकी अभिनेत्री निशा अधिकारीले एक भाग अंश पाउने भएकी छन् ।
श्रीमान् शरद भेषवाकर (पूर्वक्रिकेटर)को सम्पत्तिबाट उनले एक भाग अंश पाउने भएकी हुँन।
निशाले छोरा र आफ्नो लागि शरदको सम्पत्तिबाट दुई भाग माग गर्दै २०७९ सालको भदौ २८ गते अदालतमा मुद्दा हालेकी थिइन् ।
काठमाडौं जिल्ला अदालतले निशाले पतिको सम्पत्तिबाट तीन भागको एक भाग मात्रै पाउने फैसला सुनाएको छ।
अदालतले छोराको अंश भने बालिग नहुन्जेल निशा र शरद दुवैको संरक्षणमा हुने फैसला गरेको छ ।
अदालतले निशा र छोरालाई अंश नदिउन्जेल शरदले मासिक ४१ हजार रुपैयाँ खर्च दिनुपर्ने फैसला सुनाएको छ ।
शरदले अदालतमा २०७५ साल मंसिरदेखि निशा आफूखुसी माइत बस्दै आएकोले निशाले अंश लिएर छुट्टै बस्न चाहनु आफ्ना लागि स्वीकार्य भएको बताएका छन् ।
निशा र शरदबीच सम्बन्धविक्षेद भने भएको छैन । विवाहित महिलाले श्रीमानसँग डिभोर्स नगरीकन पनि अंश माग गर्न पाउने कानुनी व्यवस्था छ ।
